На чэмпіянаце Еўропы па плаванні завяршыўся фінальны заплыў на 50 метраў батэрфляем у мужчын. Студэнт эконамічнага факультэта БДУ Яўген Цуркін і француз Фларан Манадо падзялілі першы час і золата турніру — у абодвух па 23,00. Бронза таксама была падзелена — паміж украінцам Андрэем Гаворавым і брытанцам Бэнджамінам Проўдам — абодва па 23,21.
Гэта наша трэцяе суверэннае мужчынскае золата на чэмпіянатах Еўропы ў 50-метровых басейнах. Першыя два на рахунку Аляксандра Гукава на ЧЕ-1997 (100 і 200 метраў брасам).
Адзначым, што гэта не першая высокая перамога дваццацічатырохгадовага беларуса. Таксама, на чэмпіянаце ў 2012 годзе ў Венгрыі ён узяў «бронзу» ў сваім каронным стылі батэрфляй. Акрамя таго, у снежні мінулага года ў дацкім Хернінгу Яўген Цуркін зноў выйграў бронзавы медаль чэмпіянату. Пры гэтым спартсмен устанавіў рэкорд Беларусі на «кароткай вадзе» на ўсё той жа дыстанцыі 50 метраў.
Пяцікурснік Яўген Цуркін стаў чэмпіёнам Еўропы ў плаванні стылем батэрфляй
21 Aug, 2014.
