Цырымонія адбылася 3 чэрвеня ў БДЭУ. У святочнай атмасферы маладых таленавітых даследчыкаў павіншавалі міністр адукацыі Беларусі Міхаіл Жураўкоў, прадстаўнікі НАН Беларусі, Дзяржаўнага камітэта па навуцы і тэхналогіях нашай краіны і Вышэйшай атэстацыйнай камісіі Беларусі.
Званне лаўрэатаў ХХI Рэспубліканскага конкурсу навуковых прац студэнтаў атрымалі 12 прадстаўнікоў БДУ: Іван Рэзнікаў і Мікалай Малашчонак – магістранты хімічнага факультэта, чацвёртакурснік фізічнага факультэта і магістрант гэтага факультэта Міхаіл Якельчык і Таццяна Карніенка, магістрант біялагічнага факультэта Марыя Шавель, магістрант і выпускнік юрыдычнага факультэта Максім Жукаў і Сяргей Елісееў адпаведна, выпускніца філалагічнага факультэта Ірына Часнок, выпускнік факультэта прыкладной матэматыкі і інфарматыкі Уладзімір Палуха, выпускнік факультэта сацыякультурных камунікацый Сяргей Беразюк, пяцікурснік геаграфічнага факультэта Усевалад Генін і выпускніца факультэта сацыякультурных камунікацый Вольга Калпінская.
Усяго ў гэты дзень дыпломамі лаўрэатаў адзначаны 82 чалавекі з 29 устаноў вышэйшай адукацыі нашай краіны. Адзначым, на конкурс былі дасланы каля чатырох тысяч навуковых прац. У іх падрыхтоўцы прыняў удзел 3971 канкурсант. У прыватнасці, 375 даследаванняў былі распрацаваны ў суаўтарстве, напісаны па 2 працы ад 104 канкурсантаў, па 3 працы – 6 канкурсантаў. У шорт-лісце значацца нават 4 праекты, падрыхтаваныя двума аўтарамі – студэнтамі 6 курса Беларускага дзяржаўнага медыцынскага ўніверсітэта.
Таксама падкрэслім, больш за 20 гадоў БДУ сумесна з Міністэрствам адукацыі нашай краіны з’яўляецца арганізатарам гэтага інтэлектуальнага спаборніцтва сярод студэнцтва Беларусі. Супрацоўнікамі Галоўнага ўпраўлення навукі БДУ распрацаваны адмысловы навучальна-метадычны дапаможнік, укаранёны інтэрактыўны сайт спаборніцтва, выдадзена 11 зборнікаў навуковых артыкулаў лаўрэатаў конкурсу і аўтараў прац першай катэгорыі.
Паводле інфармацыі ГУН
Новая хваля. Дванаццаць студэнтаў і магістрантаў БДУ ганараваны званнем лаўрэатаў ХХI Рэспубліканскага конкурсу навуковых прац студэнтаў
15 Jun, 2015.
