Штогод у французскім горадзе Каны, праходзіць Міжнародны фестываль крэатыўнасці «Cannes Lions». Сёння фестываль «Канскія Львы» налічвае больш за 80 прадстаўнікоў ва ўсім свеце і больш за 20 катэгорый для падачы заявак.
Гэты год запомніўся беларусам перамогай Ангеліны Пісчыкавай, якая атрымала «Срэбнага Льва» ў катэгорыі «Дызайн».
Дзякуючы мітапу «Cannes Flashback» ўсе жадаючыя маглі пазнаёміцца і з іншымі ўдзельнікамі фестывалю, якія прадстаўлялі праекты з Беларусі. У праграме мітапа былі прэзентацыі дэлегатаў, таксама выступалі ўдзельнікі і лаўрэаты «Канскіх львоў». У праграме «Жыццё дзеліцца на «да Кан» і «пасля» ад удзельнікаў маладых «Канскіх львоў» 2017 выступіў выпускнік БДУ Павал САМАЛАЗАЎ. У межах нефармальнай гутаркі з «Маладымі львамі»мадэратар задаваў пытанні Паўлу:
– Што вам больш за ўсё запомнілася ў Канах, як вам фестываль?
– Мне вельмі спадабалася атмасфера фестывалю. Фестываль заражае сваёй ідэяй. Цяпер я не магу ўявіць сваё жыццё без свайго ўдзелу ў ім. Таксама мне вельмі спадабаліся французы. Мяне ўразіла, што ў іх лексіконе не існуе слова «няма». Яны кажуць: «Няма, але…» або «Няма пакуль…». Для сябе вырашыў, што і я не буду ўжываць гэтае слова. Цяпер, калі мяне спытаюць: «Ты атрымаў «Льва?», я буду казаць: «Няма пакуль».
– Які кейс вам больш за ўсё спадабаўся ў Канах і чаму?
– Мне спадабаўся кейс, які закранае праблему здароўя жанчын з Аб’яднаных Арабскіх Эміратаў. Вядома, як мала ў іх ёсць правоў у той краіне. Загаварыць з жанчынай аб тым, што трэба хадзіць да ўрача і правяраць сваё здароўе, фактычна немагчыма. Але стваральнікі рэкламы знайшлі выхад. Яны выкарыстоўвалі «культурны код» аб’екта ўзаемадзеяння. Бо перад тым, як ісці ў мячэць, жанчыны здымаюць абутак і пакідаюць яго на спецыяльных паліцах. У роліку паказаны момант, калі жанчына вяртаецца абуцца і знаходзіць у абутку каменьчык, на якім ёсць надпіс аб тым, што трэба клапаціцца пра сваё здароўе. Я лічу гэта вельмі добры прыклад інфарматыўнай і дзейснай рэкламы. А галоўнае, каб стварыць гэты кейс, спатрэбіўся мінімальны бюджэт. Гэта як раз тое, што любяць кліенты.
– Якія лекцыі вы наведалі на фестывалі? Што вам запомнілася?
– Я наведаў лекцыю кампаніі Burger King. Яны казалі аб тым, што не трэба баяцца рызыкаваць. Трэба прапаноўваць новыя ідэі. Калі ў вас нічога не атрымаецца з першага разу, гэта не страшна. Нават калі ваша ідэя правалілася, то пройдзе час, і пра гэта забудуць. Нельга баяцца катастрофы.
– AI або VR (Штучны інтэлект або віртуальная рэальнасць)?
– Я выбіраю AI. Бо AI можа генераваць VR.
Пасля пытанняў мадэратара любы жадаючы мог задаць свае пытанні Паўлу і іншым удзельнікам. За цікавае пытанне «Маладыя львы» дарылі падарункі, прывезеныя з Кан. Са слоў Паўла, Канскі фестываль падарыў яму мора пазітыўных эмоцый і станоўчых уражанняў. Праекты, якія прадстаўляліся на «Канскіх львах», лекцыі, якія можна было наведваць на фестывалі, натхнілі яго. Ён яшчэ не раз наведае Каны і ўсім раіць імкнуцца да гэтага.
Алена КОЛАСАВА
