Гэта пытанне стала ключавым падчас сустрэчы рэктара Андрэя Караля з міністрам вышэйшай і сярэдняй спецыяльнай адукацыі, навукі і тэхналагічнага развіцця Рэспублікі Зімбабвэ Амонам Мурвіра. Абмеркаванне адбылося 16 мая ў рамках афіцыйнага візіту дэлегацыі кіраўнікоў зімбабвійскіх устаноў адукацыі і арганізацый у БДУ.
Галоўнай мэтай наведвання Беларусі і ў прыватнасці БДУ міністр назваў умацаванне наяўных дамоўленасцяў, напаўненне іх прадметным зместам і развіццё новых напрамкаў супрацоўніцтва ў галіне адукацыі, навукі, тэхналогій і інавацый. Амон Мурвіра выказаў гатоўнасць пашырыць лінейку наяўных дамоў з БДУ, каб далучыць да іх рэалізацыі большую колькасць зімбабвійскіх ВНУ.
Бакі абмяняліся перспектыўнымі прапановамі па прадметным напаўненні наяўных дамоў і развіцці двухбаковага супрацоўніцтва з іншымі ВНУ Зімбабвэ. Прагучалі ініцыятывы пра ўзаемадзеянне ў галіне экалогіі, глебазнаўства, біялогіі. Была разгледжана магчымасць распрацоўкі сучасных лічбавых тэхналогій, геаінфармацыйных сістэм, глебаахоўных мерапрыемстваў і тэхналогій на землях, схільных да эразійных працэсаў.
Сур’ёзным крокам да трывалага супрацоўніцтва можа стаць адкрыццё ў Зімбабвэ Навучальнага цэнтра дыстанцыйнага навучання БДУ. Рэалізацыя дадзенага намеру дазволіць навучыць студэнтаў Зімбабвэ рускай мове і падрыхтаваць да паступлення ў беларускія ўніверсітэты.
Вынікам перамоў стала падпісанне шэрагу дакументаў пра супрацоўніцтва паміж БДУ і ВНУ Зімбабвэ. Дамова пра супрацоўніцтва з Тэхналагічным інстытутам Харарэ і Мемарандум аб паразуменні з Дзяржаўным універсітэтам Мідлендса дазволяць БДУ актывізуе супрацоўніцтва з ВНУ Зімбабвэ развіваць акадэмічныя абмены, праводзіць фундаментальныя і прыкладныя навуковыя даследаванні, сумесныя навуковыя канферэнцыі, выставы, форумы, сімпозіумы, семінары і інш.
Працягнулася знаёмства гасцей з інтэлектуальным патэнцыялам БДУ на выставе навуковых распрацовак. Тут былі прадстаўлены нанаспадарожнік BSUSat-2, супрацьпухлінныя лекавыя прэпараты «Тэмадэкс », «Праспідэлонг», «Цысплацел» для лакальнай хіміятэрапіі, ветэрынарныя біяпрэпараты для лячэння і прафілактыкі хвароб сельскагаспадарчых і хатніх жывёл, мікробныя біяпрэпараты для раслін «МаксІмун», «Бактаген», «Немацыд», «Стымул» і інш.
Праграма візіту наведвання БДУ ўключала таксама сустрэчу Амона Мурвіра са студэнтамі і выкладчыкамі БДУ. Міністр Зімбабвэ выступіў з лекцыяй і распавёў пра развіццё адукацыі і навуковы патэнцыял афрыканскай дзяржавы. Сваімі ўражаннямі пра беларускі ўніверсітэт, а таксама пажаданнямі па ўмацаванні партнёрскіх адносін паміж краінамі Амон Мурвіра падзяліўся ў кнізе ганаровых гасцей БДУ.
Важнай падзеяй гэтага дня стала падвядзенне вынікаў на базе БДУ двухтыднёвага візіту дэлегацыі Зімбабвэ ў Беларусь. Кіраўнікі двух профільных міністэрстваў Андрэй Іванец і Амон Мурвіра прынялі ўдзел у цырымоніі падпісання пакета дакументаў пра супрацоўніцтва паміж ВНУ Беларусі і Зімбабвэ. Усяго на пляцоўках БДУ было заверана 20 дакументаў, якія прадугледжваюцьузаемадзеянне паміж МДЛУ, БДЭУ, БДМУ, БДУТ, Беларуска-расійскім універсітэтам, ГрДУ імя Янкі Купалы, ПалесДУ, БДАТУ, ПДУ імя Ефрасінні Полацкай і Тэхналагічным інстытутам Харарэ, Дзяржаўным універсітэтам Мідлендса, Універсітэтам Зімбабвэ, Дзяржаўным універсітэтам Лупанэ, Тэхналагічным універсітэтам Чынхоі, Політэхнічным каледжам Харарэ.
Нагадаем, сёння БДУ супрацоўнічае з Зімбабвэ ў рамках падпісанага ў 2019 годзе Мемарандума аб дамоўленасці з Міністэрствам вышэйшай і сярэдняй спецыяльнай адукацыі, навукі і тэхналагічнага развіцця Зімбабвэ. У лютым цяперашняга года дэлегацыя БДУ на чале з рэктарам Андрэем Каралём прыняла ўдзел у другім беларуска- зімбабвійскім бізнес-форуме «Пашыраючы гарызонты: дынамічныя рашэнні эканамічнага развіцця», а таксама шэрагу мерапрыемстваў па лініі адукацыі і навукі. Вынікам візіту для БДУ стала падпісанне шасці мемарандумаў аб паразуменні.
Паводле інфармацыі прэс-службы БДУ
